Nga data 16 më orën 16:00 deri në 19 Maj do të mbahet panairi kombëtar i biznesit “Pan Expo Group- Kosova 2024”, ku të pranishëm do të jenë rreth 100 biznese nga e gjithë Kosova, por edhe më gjerë.

Zhvillimi i këtij panairi në ambientet luksoze të Prishtina Mall, rrit pritshmërinë e publikut dhe të bizneseve pjesëmarrëse, rezultatet e performancës së tyre duke e shndërruar atë që është një aktivitet i kornizuar biznesi në një dimension të gjerë, informues por edhe argëtues, joshës dhe gjithëpërfshirës. Publiku i gjerë, por edhe përfaqësuesit e bizneseve do të kenë mundësinë e trajtimit të kohës së tyre, sikur të jenë në një vend pushimi të pasur me gjithçka që atyre mund t’ju nevojitet gjatë gjithë kohës së qëndrimit në panair.